Датумот на изборите е завршена работа, тие ќе се одржат на 5 јули, рече лидерот на СДСМ, Зоран Заев на денешната прес конференција.
Како што кажа Заев, брзи избори биле неопходни заради добивање на функционални институции.
„Да добиеме функционална влада. Проблемите кои ги остава Наќе Чулев мора да ги отстраниме. Нема оправдување на нова вонредна состојба. Во таква ситуација изборите остануваат на 5. јули, 22 дена по завршувањето на најновата вонредна состојба. Не е одговорно државата да ја оставиме без парламент и со техничка влада, во која опозицијата е настроена деструктивно. Нема нови аргументи за нови економски мерки и со тоа нема ниту оправдување за барање на нова вонредна состојба“, рече Заев.
фото: Архива
