Откако од СДСМ обвинија дека нема никаква промена во ВМРО-ДПМНЕ, а Христијан Мицкоски и раководството на опозициската партија по секоја цена се обидуваат да ја попречат правдата, реагираа од опозицијата.
„Граѓаните сe жртви на криминалното работење на СДСМ. Криминалниот октопод на СДСМ на чело со Заев со своите пипци навлезе во сите пори на општеството. СДСМ го промовира и штити криминалот. Обвинителството мора да се ослободи од стегите на власта и да постапува во согласност законите и правото. Правдата мора да важи подеднакво за сите, вклучувајќи ги и високите државни и партиски функционери од СДСМ. ВМРО-ДПМНЕ кога ќе дојде на власт ќе воспостави неселективна правда и тогаш сите вклучувајќи го и Зоран Заев ќе одговараат пред правдата и законот“, се вели во реакцијата на ВМРО-ДПМНЕ.
