Следната недела премиерот Зоран Заев и лидерот на ДУИ Али Ахмети треба да седнат на иста маса со цел да се одлучи кои вицепремиери и министри ќа ја напуштат Владата. Во јавноста се шпекулира со имиња, но сеуште е неизвесно, кој од владиниот кабинет ќе биде сменет.
Додека очекуваме имиња, некои од спомнуваните, а можеби и некое ново, со сигурност се знае дека треба да се одлучи кој ќе биде нов министер за култура, како и име за министер во новото Mинистерство за политички систем.
Според најавите, промените ќе започнат со министри, а потоа ќе се спушти и на заменици министри, државни секретари и директори, како и на градоначалници, но и во партиското раководство.
