Премиерот Зоран Заев ќе консултира правни експерти во однос на предлогот на лидерот на ВМРО-ДПМНЕ, Христијан Мицкоски, технички министер за внатрешни работи да биде воено лице.
„Ние ќе ја консултираме експертската јавноста, владината експертиза, но ја повикувам и јавноста да си даде свој став. Убаво е транспарентно да ги искристализираме ваквите работи. Се јавува и една дилема за минатите времиња, за Силјан Аврамовски, Митко Чавков или други, тие се овластени лица. Тоа не значи дека овластено лице не е цивилно лице. Овде е проблемот што имаме воено лице“, изјави Заев по средбата со Мицкоски.фото: Влада
