66-годишен жител на селото Црник го загубил животот откако тракторот со приколка што го управувал излетал од патот во атарот на Пехчево, соопшти Министерството за внатрешни работи.
Несреќата била пријавена на 21 октомври, во 21:30 часот, во ОВР Берово. Според пријавата, тракторот со приколка, со пехчевски регистарски ознаки, излетал од некатегоризираниот пат на местото викано „Мушкови чешми“.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Од здобиените повреди, возачот М.П. починал на местото на несреќата. Лекар од Итната медицинска помош ја констатирал смртта.
На местото бил извршен увид од екипа на ОВР Пехчево и јавен обвинител. По наредба на обвинителот, телото на починатиот е предадено на Судска медицина за обдукција.
