Тешка сообраќајна несреќа со смртни последици се случила вчера во Куманово, при што животот го загубил 49-годишен мотоциклист.
Како што информираат од Министерството за внатрешни работи, на 29 јуни околу 12:40 часот во СВР Куманово било пријавено дека на улицата „Доне Божинов“ се случила сообраќајна несреќа помеѓу патничко возило „Сеат Ибица“ со кумановски регистарски ознаки, управувано од А.А. (64) од Куманово и мотоцикл со кумановски регистарски ознаки, управуван од Д.С. (49) од Куманово.
Од здобиените повреди, мотоциклистот починал на местото на несреќата, а смрт констатирал лекар.
Увид на местото извршиле јавен обвинител и увидна екипа на СВР Куманово.
