Загина возач откако со товарно возило излетал од патот Струмица–Радовиш

Едно лице го загуби животот во тешка сообраќајна несреќа што денеска се случила на магистралниот пат Струмица–Радовиш.

— реклама —

Несреќата била пријавена околу 12:40 часот, на делницата меѓу Василево и Владевци. Според првичните информации, товарно возило „форд“ со струмички регистарски ознаки излетало надвор од коловозот, при што возачот починал.

— реклама —

— реклама —

Смртниот исход го потврдила портпаролката на СВР Струмица, Александра Трајанова.

Поради несреќата, сообраќајот на патниот правец Струмица–Радовиш е во прекин. Полициски екипи се на местото и вршат увид за утврдување на околностите под кои дошло до несреќата.