Тројца германски скијачи загинаа во лавина на австриските Алпи, а уште едно лице се смета за исчезнато.
Тројца од нив се извлечени од снегот, но кај истите од страна на спасувачите е констатирана смрт. Телата на скијачите кои биле на возраст од 57,32 и 36 години се пронајдени синоќа во близина на Лех, во најзападната австриска покраина Форалберг, неколку часа откако сопругата на еден од скијачите пријавила дека се исчезнати.
Се уште се трага по четвртиот член на групата, но потрагата била прекината поради интензивните врнежи од снег како и од можноста за појава на лавина.
Во некои делови од Австрија снежната покривка достигнува и до 5 метри, што претставува рекодна количина на снег.
До сега најголема количина на снег од 2 метри е забележана во 1919 година во Лакенхофен.