Полицијата во Охрид приведе 42-годишен жител на градот по пријава за закани и агресивно однесување кон членови на неговото семејство.
Од МВР информираат дека на 25 август во 20:20 часот, полициски службеници од СВР Охрид го лишиле од слобода В.К. од Охрид, постапувајќи по претходно поднесена пријава дека во семејниот дом упатувал закани и се однесувал агресивно кон членови на семејството.
По целосно документирање на случајот, против него ќе биде поднесена соодветна пријава.
