Закани и физички напади врз жени во Велес, гостиварско и Скопје

Три случаи на закани и физичко насилство врз жени биле пријавени во полицијата во Велес, гостиварско и Скопје, информира Министерството за внатрешни работи.

— реклама —

Во Велес, на 11 октомври, полициски службеници го лишиле од слобода 44-годишниот Г.П., по пријава дека во домот ѝ се заканувал на својата 32-годишна сопруга. При проверките било утврдено дека тој бил под дејство на алкохол, со измерени 2,86 промили во крвта. Бил задржан во полициска станица, а за случајот бил известен јавен обвинител. По документирањето на настанот ќе следува соодветна пријава.

— реклама —

Истиот ден, во Полициското одделение Ростуше, жена од гостиварско село пријавила дека по претходна расправија била физички нападната пред својот дом од А.Џ. (65), роднина на нејзиниот сопруг. Таа пријавила и дека подолг период била изложена на психичко и физичко малтретирање од сопругот С.Џ. Полицијата презема мерки за расчистување и документирање на случајот.

— реклама —

Уште еден физички напад бил пријавен во Скопје. На 12 октомври, во 01:33 часот, 29-годишна скопјанка пријавила дека околу половина час претходно, во семејниот дом на подрачјето на Бит-пазар, била нападната од сопругот Б.Р. (33), кој употребил и тврд предмет.

— реклама —

Полицијата презема мерки за расчистување на сите три случаи.