Закерберг бара САД да ги ублажат правилата за вештачката интелигенција: „Кина нè престигнува“

Шефот на „Мета“, Марк Закерберг, побара од американската влада да ги ублажи регулаторните ограничувања за моделите на вештачка интелигенција со отворен код, предупредувајќи дека американските компании би можеле да ја загубат предноста во однос на кинеските конкуренти.

— реклама —

Повикот доаѓа откако „Мета“ претстави нов модел на ВИ со отворен код, наречен „Muse Glimmer“. Моделот е значително помал од водечките системи на конкурентските компании и е наменет за т. н. агентска вештачка интелигенција. Според компанијата, може да работи и на личен компјутер со само една графичка картичка.

Моделите со отворен код обично се поевтини од водечките системи на компании како „OpenAI“ и „Anthropic“, а корисниците можат полесно да ги приспособат на сопствените потреби.

— реклама —

Закерберг оцени дека САД мора да ги преиспитаат своите политики доколку сакаат американските компании да останат лидери во развојот на ВИ со отворен код. Тој предупреди дека кинеските компании во моментов имаат значајна предност во оваа област.

— реклама —

„Политиките на САД мора да ги намалат дополнителните пречки доколку сакаме американските модели со отворен код со текот на времето да бидат водечки“, порача Закерберг.

Во трката со американските компании веќе се вклучени повеќе кинески развивачи, со модели како „Kimi K3“, „Qwen3.8-Max“ и „DeepSeek V4-Flash“. За разлика од нив, водечките модели на „OpenAI“, „Anthropic“ и „Alphabet“ се со затворен код.

— реклама —

Закерберг истовремено се заложи и за т. н. дестилација на ВИ, односно користење на помоќни системи за обучување на помали модели. Тој најави и дека „Мета“ ќе воведе управувачка структура во која независни директори ќе имаат овластување да ги одобруваат безбедносните критериуми пред објавување на новите модели.