Две возила биле оштетени од залутани зрна од огнено оружје во одделни случаи пријавени во Скопје.
Според МВР, на 12 август во 10:55 часот, 53-годишен жител на Скопско пријавил дека на подрачјето на Чаир било оштетено ветробранското стакло на товарно возило „опел“ со скопски регистарски ознаки. Според пријавеното, оштетувањето настанало од залутано зрно од огнено оружје.
Истиот ден, во 22:45 часот, 44-годишен жител на Скопско пријавил сличен случај во селото Визбегово. Залутано зрно од огнено оружје го оштетило ветробранското стакло на патничко возило „форд“ со скопски регистарски ознаки.
Од полицијата информираат дека во двата случаи се преземаат мерки за расчистување и целосно утврдување на околностите.
