Седумдесет и едногодишен жител на Кондово бил повреден од залутано зрно од огнено оружје додека се движел кон своето возило во близина на трговски центар во Општина Сарај, информира Министерството за внатрешни работи.
Случајот бил пријавен на 5 септември во 13:43 часот во СВР Скопје, откако од Градската општа болница „8 Септември“ било известено дека кај нив е донесен Х. Р. (71) со повреда од огнено оружје.
Според пријавеното, мажот се движел кон својот паркиран автомобил пред трговски центар кога бил погоден од залутано зрно.
На местото бил извршен увид, а за случајот бил известен јавен обвинител. Полицијата презема мерки за расчистување на настанот и утврдување на околностите.
