Ветробранското стакло на паркиран автомобил „голф“ било оштетено од залутано зрно од огнено оружје во дворот на куќа во Арачиново, информира Министерството за внатрешни работи.
Случајот бил пријавен на 5 септември во 11:45 часот во СВР Скопје од 49-годишен жител на Арачиново. Според пријавата, возилото било паркирано во дворот на неговата куќа кога било оштетено ветробранското стакло.
На местото бил извршен увид од увидна екипа на СВР Скопје, а полицијата презема мерки за расчистување на случајот и утврдување на околностите под кои дошло до оштетувањето.
