Заменик на претседателот на Владата на Република Северна Македонија, задолжен за добро владеење, Арбен Фетаи на средба со истражувачкиот тим на Стејт департментот на САД
Заменик на претседателот на Владата на Република Северна Македонија, задолжен за добро владеење, Арбен Фетаи, денеска се сретна со истражувачкиот тим ангажиран од Стејт департментот на САД за да ја оцени ефективноста на проектите финансирани од американската влада за борба против корупцијата во Северна Македонија.
Изразувајќи благодарност за виталната работа направена од страна на УСАИД и Меѓународното биро за наркотици за спроведување на законот за промовирање на добро владеење, како одговорни институции за борба против корупцијата. Соговорниците имаа плоден разговор со лидерот на тимот Ричард Голд и техничките специјалисти Лонда Есадзе и Јадранка Кунгуловска за искуствата научени од минатите и тековните американски програми за антикорупција во Северна Македонија.
Заменик на претседателот на Владата на Република Северна Македонија, задолжен за добро владеење, ги уверува соговорниците дека борбата против корупцијата е на врвот на агендата на нашата влада, со силна политичка волја за решавање на најитните прашања во рамките на нашата антикорупциски институции. Во име на Владата, г-дин Фетаи побара поддршка од САД во зајакнувањето на специјализираните органи, промовирањето на истражувачкото новинарство, унапредувањето на одземањето и наплатата на имотот и решавањето на празнините во нашата законска рамка, вклучително и зајакнување на тестирањето на професионалниот интегритет во правосудниот сектор.
