Пожар избувнал во близина на селото Гајре откако 55-годишен жител, додека го чистел својот имот, запалил оган кој потоа се проширил на поголема површина.
Од МВР информираат дека на 8 септември 2026 година, во 09:30 часот, полициски службеници од Полициското одделение Попова Шапка го лишиле од слобода Р.С. (55) од село Гајре.
Според пријавеното, на местото викано „Мала Зецка“, под селото Гајре, тој додека го чистел сопствениот имот од сува трева и нискостеблеста шума, запалил оган. Огнот потоа се проширил и зафатил поголема површина.
Пожарот бил изгаснат од екипа на Територијалната противпожарна единица Тетово и вработени во Шумското стопанство. Во пожарот нема повредени лица.
По целосното документирање на случајот, против 55-годишникот ќе биде поднесена кривична пријава за сторено кривично дело „предизвикување општа опасност“.
