Запалил сува трева додека ја чистел нивата, пожарот зафатил поголема површина, уапсен 77-годишник

Полицијата лишила од слобода 77-годишен жител на дебарското село Кривци, поради сомнение дека предизвикал пожар на отворен простор.

— реклама —

Како што соопшти МВР, на 5 октомври во 18:18 часот полициски службеници од ОВР Дебар го лишиле од слобода М.К. (77). Тој се сомничи дека додека ја чистел својата нива во атарот на селото запалил поголема количина сува трева.

— реклама —

— реклама —

Огнот потоа се проширил и зафатил поголема површина на отворен простор. Во пожарот нема повредени лица, а интервенирала Територијалната противпожарна единица од Дебар.

Од МВР информираат дека по целосното документирање на случајот против 77-годишникот ќе биде поднесена соодветна пријава.