Хрватската полиција поднесе кривична пријава против 54-годишен државјанин на Македонија со регулиран престој во Хрватска, под сомнение дека предизвикал пожар во местото Седрамиќ кај Дрниш.
Според Полициската управа Шибеник-Книн, истрагата покажала дека мажот во четвртокот попладне, по завршување на градежни работи во дворот на куќата, запалил повеќе хартиени вреќи од цемент.
При тоа избувнал пожар, кој неконтролирано се проширил кон заселокот Чавале, зафаќајќи трева и ниска вегетација на површина од околу 100 на 100 метри.
Пожарот бил локализиран и целосно изгаснат во 19:36 часот од пожарникари од јавната противпожарна единица во Дрниш и доброволните противпожарни друштва од Дрниш и Унешиќ. Во гаснењето од воздух учествувал и авион „Ер трактор“.
Полицијата го сомничи 54-годишникот за кривично дело доведување во опасност на животот и имотот со општоопасно дејствие или средство. По завршувањето на истрагата, тој е предаден на притворскиот надзорник, а против него е поднесена кривична пријава до надлежното државно обвинителство во Шибеник.
