Запленети над 1.000 парчиња различна стока без документација, приведен кумановец

Полицијата приведе 36-годишен жител на кумановското село Гошинце поради сомнение за криумчарење, откако во товарно возило со кое управувал биле пронајдени повеќе од 1.000 парчиња различна стока без потребната документација.

— реклама —

Како што соопшти МВР, С.С. бил лишен од слобода на 17 септември околу 19:50 часот од полициски службеници од Полициската станица за граничен премин и граничен надзор „Белановце“ при Регионалниот центар за гранични работи „Север“.

— реклама —

Полицајците во реонот на селото Липково му дале знак да запре со товарното возило „Мерцедес спринтер“, но тој не застанал и продолжил кон селото Отља. По преземените мерки, возилото било запрено, по што бил извршен преглед.

— реклама —

Во возилото биле пронајдени 320 парчиња текстил, 28 парчиња обувки, 350 парчиња техничка стока, 78 парчиња лекови, 76 парчиња козметика, шест делови за возила и 377 парчиња друга стока, за кои немало соодветна документација.

— реклама —

За случајот бил известен јавен обвинител од Основното јавно обвинителство Куманово. По целосното документирање на настанот, против С.С. ќе биде поднесена соодветна пријава за кривично дело „криумчарење“ по член 278 од Кривичниот законик.