Започнува наградната игра „Мој ДДВ, моја награда“, издвоени три милиони денари главна награда

Од 15 декември започнува наградната игра „Мој ДДВ, моја награда“ со скенирањето на фискалните сметки, а наградниот фонд че изнесува половина милион евра и ќе има дневни, месечни и две главни награди од по 3 милиони денари, кои ќе се доделат во март и декември 2020-та година.

Министерката за финансии Нина Ангеловска истакна дека при скенирањето на фискалната сметка, без оглед на износот, корисниците ќе добијат порака дали таа е добитна или не.

— реклама —

Станува збор за наградна игра која ќе започне од 15 декември, а граѓаните кои до сега скенирале најмногу фискални сметки можат да бидат добитници на вредни добивки.

— реклама —

Директорката Сања Лукаревска очекува голем број корисници да го добијат  максимумот поврат. За јули, август и септември, исплатата ќе биде во висина од 50 до 1.800 денари.

— реклама —

„Во најскоро време, на почетокот на декември, би требало некаде за 10 до 15 дена да ги вратиме назад парите кај граѓаните. Со тоа што ќе добијат и претходно известување на меил согласно оние податоци кои ги имаат во Е-пдд, дека ќе им се изврши исплата. Очекуваме дека ќе има голем број на граѓани кои што го имаат остварено лимитот од 1 800 денари да им биде вратен назад во нивните џебови“ - вели Лукаревска.

— реклама —

По бројот на корисници од над 180.000 граѓани кои месечно скенираат околу 8 милиони фискални сметки што придонело да бидат возвратени 5 милиони денари на граѓаните.

Од 1 до 15 декември ќе се изврши првиот поврат на ДДВ кон граѓаните кои скенирале фискални сметки.