Тој рече дека со неговиот германски колега, Хајке Мас, имал „искрени и сериозни“ разговори во Техеран за спас на нуклеарната спогодба од 2015 година по повлекувањето на САД.
Според Ројтерс, тој додал дека Техеран ќе соработува со европските држави-потписнички во обид да го спасат договорот.
„Иран никогаш нема да почне војна, но ќе го уништи секого што ќе го нападне“, рекол Зариф.
Портпаролот на иранското Министерство за надворешни работи, Абас Мусави, денеска ги критикуваше европските потписнички на нуклеарниот договор, бидејќи не успеале да го спасат договорот по американското повлекување минатата година и воведувањето нови санкции против Техеран.
„Досега не сме виделе практични и очигледни чекори со кои европските земји би гарантирале заштита на интересите на Иран“, рече Мусави, пренесе Ројтерс.
Тој истакна дека Техеран нема да разговара за ниедно прашање надвор од нуклеарниот договор.
Шефот на Меѓународната агенција за атомска енергија, Јукија Амано, изрази загриженост поради зголемените тензии околу иранското нуклеарно прашање и додаде дека се надева дека може да се најде начин за нивно намалување преку дијалог.
