Полициски службеници од ОВР Неготино го лишиле од слобода 56-годишниот К.В. од Неготино, откако бил затекнат со усмртено диво животно за време на ловостој.
Случајот бил пријавен откако ловочувар од ловечкото друштво „Вардар“ од Неготино го затекнал К.В. кај местото „Горна Чешма“, во атарот на село Тимјаник, со ранец во кој имало усмртено диво животно.
Полицијата извршила увид на местото, а од 56-годишникот биле одземени дивечот, ловечка пушка „Бајкал“, дозволата за поседување оружје и друга документација.
За случајот бил известен јавен обвинител. По целосното документирање на настанот, против К.В. ќе биде поднесена соодветна пријава.
