На 3 септември во Тетово бил лишен од слобода 32-годишен жител на градот, откако полицијата утврдила дека управувал возило иако имал активна забрана за управување со моторно возило.
Според МВР, полициски службеници од СВР Тетово во 02:20 часот на улицата „Љубо Божиновски Пиш“ извршиле контрола на патничко возило „Фолксваген пасат“ со тетовски регистарски ознаки, управувано од А.С. (32).
При проверката било констатирано дека тој го управувал возилото за време на активна заштитна мерка „забрана за управување со моторно возило“, по што бил лишен од слобода.
Од МВР информираат дека по целосното документирање на случајот против него ќе биде поднесена соодветна пријава.
