Полицијата расчистува случај на „Загрозување на сигурноста“, откако 44-годишен жител на радовишко село, кој издржува затворска казна за семејно насилство, телефонски ѝ се заканувал на својата сопруга.
Според МВР, на 11 август 2026 година, Ш. М. (44), додека се наоѓал во затворот Штип, телефонски ја контактирал својата 25-годишна сопруга и ѝ се заканил дека, по излегувањето од затвор, ќе ја лиши од живот неа и членовите на нејзиното семејство.
Во координација со вработените во затворската установа, полициските службеници го пронашле мобилниот телефон од кој бил упатен повикот, по што со осомничениот бил извршен службен разговор.
Случајот го расчистуваат Одделот за криминалистичка полиција – Секторот за општ, насилен криминал и семејно насилство, заедно со СВР Штип и ОВР Радовиш.
По целосното документирање на случајот и во координација со јавен обвинител, против 44-годишникот ќе биде поднесена соодветна кривична пријава.
