Зел 15.000 евра од две лица со ветување дека ќе им „среди“ стаж за пензија

СВР Тетово поднесе кривична пријава против 55-годишен тетовец поради сомнение дека со измама од две лица зел вкупно 15.000 евра.

— реклама —

Според информациите од МВР, Л.Е. во текот на 2025 година лажно им прикажувал факти на двете лица од тетовско, убедувајќи ги дека може да им го среди работниот стаж во странска земја.

— реклама —

Целта, како што им ветувал, била преку средувањето на стажот да им овозможи да ги исполнат условите за добивање пензија.

— реклама —

Откако ги убедил во своите тврдења, од двете лица зел вкупно 15.000 евра, иако не ги исполнил ветувањата.

— реклама —

МВР информира дека против него е поднесена кривична пријава поради постоење основи на сомнение за сторено кривично дело „измама“.