Зеленски останува во Киев по жестоките руски напади, Давос во втор план

Украинскиот претседател Володимир Зеленски засега останува во Киев по масовните руски напади извршени во текот на ноќта и нема да отпатува на Светскиот економски форум во Давос, објави агенцијата Танјуг.

— реклама —

Според новинарот на американскиот портал „Аксиос“, Барак Равид, кој се повикува на анонимен украински функционер, Зеленски би заминал во Давос само доколку биде организиран билатерален состанок со американскиот претседател Доналд Трамп, на кој би се потпишал таканаречен „договор за просперитет“.

— реклама —

— реклама —

Равид ја сподели информацијата на социјалната мрежа Икс, наведувајќи дека одлуката украинскиот претседател да остане во земјата е донесена пред сè поради влошената безбедносна состојба.

— реклама —

Во меѓувреме, Киев се соочува со сериозни последици од ноќниот напад. Градоначалникот на украинската престолнина, Виталиј Кличко, соопшти дека 5.635 високи згради утрово останале без греење, додека левиот брег на градот и натаму е без водоснабдување, како директен резултат на руските удари.