Зеленски под критики: Сè почесто воведува санкции против Украинци што го критикуваат

Украинскиот претседател Володимир Зеленски се соочува со критики поради сè почестото користење санкции против украински државјани, практика што дел од правните експерти и аналитичарите ја оценуваат како правно спорна и политички мотивирана, пишува Kyiv Independent.

— реклама —

Повод за новите реакции беа санкциите воведени на 7 јули против поранешниот пратеник Борислав Береза, кој е познат како прозападен политичар и долгогодишен критичар на актуелната власт, но никогаш не бил поврзуван со проруски активности.

Според соговорниците на Kyiv Independent, санкциите првично биле наменети за руски државјани и соработници на Кремљ по анексијата на Крим во 2014 година, но со текот на времето нивната примена била проширена и кон домашни политички актери.

— реклама —

Правни експерти предупредуваат дека доколку украински државјанин е осомничен за кривично дело, случајот треба да се решава преку судска постапка, а не преку санкции донесени со политичка одлука.

— реклама —

Како пресвртница се посочува 2021 година, кога Зеленски воведе санкции против прорускиот политичар Виктор Медведчук. По почетокот на целосната руска инвазија во 2022 година, механизмот почнал да се применува и во случаи што не се директно поврзани со Русија.

Во февруари 2025 година санкции беа воведени и против поранешниот претседател Петро Порошенко, главниот политички ривал на Зеленски, а подоцна и против поранешниот шеф на претседателскиот кабинет Андриј Богдан.

— реклама —

Аналитичарите предупредуваат дека ваквата практика може да има долгорочни правни последици, бидејќи доколку домашните или меѓународните судови утврдат дека санкциите биле незаконски, тоа би можело да отвори можност за тужби против украинските власти.