Зеленски предупредува: Русија подготвува пет сценарија за проширување на војната

Володимир Зеленски предупреди дека Русија подготвува пет можни сценарија за проширување на војната на северот на Украина и планира мобилизација на дополнителни 100.000 војници.

— реклама —

Според Зеленски, украинските разузнавачки служби анализираат можни правци на руска офанзива, со посебен фокус на правецот Чернихив–Киев.

Тој изјави дека Украина подготвува одговор за секој можен потег на Москва и најави проширување на нападите со беспилотни летала со долг дострел врз руска територија.

— реклама —

„Украина дефинитивно ќе се брани“, порача Зеленски по состанокот на воениот штаб.

— реклама —

Во меѓувреме, Белорусија започна заеднички воени вежби со Русија, кои вклучуваат употреба на тактичко нуклеарно оружје.

Од белоруското Министерство за одбрана соопштија дека вежбите имаат цел да ја подобрат подготвеноста на силите за користење „современи средства за уништување“.

— реклама —

Зеленски претходно предупреди дека Москва се обидува подлабоко да ја вовлече Белорусија во војната, а потенцијално и во идни операции против земји членки на НАТО.