Земјотрес со јачина од 5,7 степени според Рихтеровата скала ја погоди денес областа околу Костарика.
Епицентарот на потресот бил на отворено море, на длабочина од околу 20 километри и на приближно 95 километри од Санта Круз. Според првичните информации, засега нема пријави за повредени лица или материјална штета.
Очевидци наведуваат дека потресот траел најмалку десет секунди и дека се почувствувало силно тресење на предметите и мебелот во домовите.
Надлежните служби не издале предупредување за цунами.
