Пратеникот Рубин Земон еден од 17 пратеници, кои ги иницираа измените на изборниот законик, на прес конференција од Собранието, рече со илјдници амандмани, очигледна е намерата за блокада и мали се шансите да се смени организирањето на изборите од шест во една изборна единица.
Тој ги повика владејачката ДУИ и опозициската ВМРО-ДПМНЕ да ги повлечат амандманите за измена на Изборниот законик.
„Предлогот за една изборна единица не атакува врз албанската заедница, воопшто не станува збор за намалување на албански пратеници во Собранието. Има нелогични амандамни за да се блокира процесот овие прашања да не дојдат до демократска и јавна дебата. Кога се поднесе иницијативата се уште не се зборуваше дека на 12 април ќе има избори. Кај нас изборите требаше да бидат во декември 2020 година, а не во април“, рече Земон.
Тој нагласи дека разговарале како пратеници, но тоа не се пратенички, туку партиски одлуки. Вели, тенденциите е да се блокира можноста за демократска дебата по амандманите.
фото: Архива
