Жена фатена при обид да ограби куќа во Велес

Дваесет и деветгодишна жена од Велес е лишена од слобода откако била затекната при обид за кражба во семеен дом во градот.

— реклама —

Според информациите од Министерството за внатрешни работи, настанот се случил на 27 јули околу 05:25 часот. В.К. со употреба на физичка сила и со подесен алат влегла во дом во сопственост на велешанецот Ф.С. со намера да одземе предмети.

— реклама —

— реклама —

Во обидот била спречена и фатена од полициски службеници од СВР Велес, по што била приведена во полициска станица.

— реклама —

За случајот е известен јавен обвинител, а по неговото целосно документирање против жената ќе биде поднесена соодветна пријава.