Четириесет и тригодишна жена се здобила со тешки телесни повреди во сообраќајна несреќа што се случила на регионалниот пат Крупиште – Пробиштип, во близина на клучката со експресниот пат Штип – Кочани.
Според информациите од Министерството за внатрешни работи, несреќата била пријавена на 2 јули околу 16:00 часот, кога патничко возило „опел корса“ со струмички регистарски ознаки, управувано од К.П. (43) од селото Ангелци, Општина Василево, изгубило контрола и излетало од коловозот.
Во несреќата возачката се здобила со тешки телесни повреди, кои биле констатирани во Клиничката болница во Штип.
Увид на местото на несреќата извршила увидна екипа од СВР Штип.
