Пратеникот Фадил Зендели од Беса смета дека треба да има правна разврска на случајот „Рекет“ бидејќи, според него, тоа е еден од предусловите за евроинтеграциските процеси на земјата.
Во денешната изјава Зендели рече дека СЈО од една од најдоверливите институции кај граѓаните, со текот на времето ја изгуби довербата поради селективната правда.
„Причина за тоа е што се гледаше дека има селективна правда.Од една страна имаше постапки против поранешни функционери на ВМРО-ДПМНЕ, но немаше постапки против сегашни и поранешни функционери на ДУИ кои и сега се дел од власта“, објаснува Зендели.
