Четириесет и осумгодишна жена од Куманово пријавила дека била физички нападната во својот дом од синот и снаата, информира Министерството за внатрешни работи.
Случајот бил пријавен на 5 септември во 14:20 часот во СВР Куманово. Според пријавата, нападот се случил околу 12 часот во семејната куќа во Куманово, каде што жената, како што навела, била физички нападната од нејзиниот 26-годишен син М. Џ. и неговата сопруга Б. Р., двајцата од Куманово.
Од МВР информираат дека се преземаат мерки за целосно расчистување и документирање на случајот.
