На булеварот „Кочо Рацин“ во Скопје се случил инцидент во кој тешко е повредена 31-годишна жена, а лицето кое управувало со електричниот тротинет по ударот го напуштило местото.
Случајот бил пријавен во СВР Скопје на 23 септември во 6:40 часот, откако од ЈЗУ „Свети Наум Охридски“ било известено дека кај нив со тешки телесни повреди била донесена Е.Д.С. (31) од населба Илинден.
Според пријавеното, жената била удрена од електричен тротинет додека се наоѓала на булеварот „Кочо Рацин“. По настанот, лицето кое го управувало тротинетот го напуштило местото.
Од МВР информираат дека се преземаат мерки за пронаоѓање на лицето и целосно расчистување на случајот.
