Жртви во Украина по напад со дрон за време на велигденското примирјето

Во текот на вчерашниот руски напад со беспилотно летало на првата линија на фронтот во регионот Донецк, пред истекот на примирјето прогласено по повод православниот Велигден, загина едно лице.

— реклама —

Полицијата наведе дека во напад со FPV-дрон врз градот Дружкивка вчера загинало едно лице, а бил оштетен автомобил. Во одделен напад врз градот Краматорск денеска во 01:46 часот по локално време, едно лице загинало, а едно било повредено.

— реклама —

Гувернерот на Донецката област претходно соопшти дека во текот на вчерашниот ден во регионот загинале вкупно две лица. Русија и Украина меѓусебно се обвинуваат за прекршување на 32-часовното примирје.

— реклама —

Украинскиот Координативен штаб за постапување со воени заробеници соопшти дека за време на таканареченото велигденско примирје руските сили стрелале четворица украински воени заробеници во регионот Харков.

— реклама —

Генералштабот на украинската војска наведува дека се регистрирани повеќе од 10.000 прекршувања на примирјето од страна на руските сили, додека руското Министерство за одбрана тврди дека украинските сили го прекршиле прекинот на огнот во 6.558 случаи.