Десет украински ракети RM-70 Vampire се соборени над Белгородската област, соопшти денеска руското Министерство за одбрана.
Во соопштението за медиумите се наведува дека утрово околу 8 часот по московско време, силите за противвоздушна одбрана спречиле обид на украинските сили да нападнат цели на руска територија, пренесува РИА Новости.
Непосредно пред тоа беше прогласена ракетна закана во Белгород и Белгородската област, а над градот се слушнаа и експлозии, наведува руската агенција.
