13-годишен ученик изврши вооружен напад во училиште во Бразил

Во оружен напад во училиште во бразилскиот град Рио Бранко, тринаесетгодишен ученик застрелал двајца вработени и ранил уште две лица, меѓу кои и 11-годишно девојче, соопштија локалните власти.

— реклама —

Според полицијата, малолетникот влегол во училиштето „Сао Жозе“ и испукал неколку истрели во ходникот што води кон канцеларијата на директорот. По нападот, тој се предал на полицијата. Девојчето кое е повредено е погодено во ногата и е пренесено во болница.

— реклама —

Во истрагата е утврдено дека оружјето било во сопственост на очувот на напаѓачот, кој исто така е уапсен, а полицијата проверува дали и други ученици биле вмешани во подготовката на нападот.

— реклама —

Очевидци опишуваат сцени на паника, при што ученици бегале и се обидувале да го напуштат училиштето, некои дури скокајќи од високи ѕидови во обид да се спасат. По инцидентот, наставата е суспендирана, а активирани се тимови за психолошка поддршка за учениците и наставниот кадар.

Инцидентот доаѓа во период кога Бразил се соочува со зголемен број напади во училишта во последните години, што предизвикува сериозна загриженост кај јавноста и образовните институции.