Тринаесетгодишниот Коста Попристовски од Богданци постигна извонреден меѓународен успех, освојувајќи златен медал, прво место и победнички пехар на престижниот натпревар „Математика без граници“, кој се одржа во Несебар, Бугарија.
Младиот математички талент триумфираше во категоријата „Ludoviko Ferari“, оставајќи зад себе силна конкуренција од ученици од дури 42 држави и искачувајќи се на највисокото место на победничкиот пиедестал.
Коста е ученик во ООУ „Петар Мусев“ во Богданци и веќе е препознатлив по бројните успеси што ги има освоено на државни и меѓународни натпревари по математика, физика и шах.
Со овој резултат, тој уште еднаш покажа дека македонските ученици можат рамноправно да се натпреваруваат и да победуваат на најголемите меѓународни натпревари.
Честитки за Коста Попристовски за извонредниот успех и за достојното претставување на Македонија на меѓународната сцена.
