Четиринаесетгодишен малолетник од гостиварското село Градец се здобил со тешки телесни повреди откако изгубил контрола над велосипедот и паднал на коловозот.
Од МВР информираат дека несреќата била пријавена на 1 октомври во 15:00 часот во ОВР Гостивар. Малолетникот управувал велосипед на локалниот пат од Градец кон автопатот, кога изгубил контрола и паднал.
Тешките телесни повреди биле констатирани во Ургентниот центар во Гостивар.
На местото на несреќата увид извршила увидна екипа на ОВР Гостивар.
