Петнаесетгодишно момче е лишено од слобода откако било затекнато како управува товарно возило без да има право за управување, соопшти Министерството за внатрешни работи.
Според МВР, случајот се случил денеска околу 2:40 часот на улицата „Горно Лисиче“ во Скопје, за време на сообраќајна контрола.
„Полициските службеници сопреле товарно возило ‘ивеко’ со скопски регистарски ознаки, при што било констатирано дека малолетникот го управувал товарното возило во присуство на неговиот родител, пред да се стекне со право за управување со возило“, информираат од полицијата.
За случајот бил известен јавен обвинител за малолетници, а по неговото целосно документирање ќе биде поднесена соодветна пријава.
