КАМИОН

(Фото) Едно лице загина, патнички воз излета од шините по судир со камион во Полска

Едно лице загина, а повеќе лица се повредени во тешка железничка несреќа што денеска се случи во западна Полска, кога патнички воз удри во камион на железнички премин, по што излета од шините.Според полските служби за итни интервенции, загинал возачот на камионот.Несреќата се случи во близина на градот Рогозно, во регионот Велкополска, на железничката линија што го поврзува градот со Познањ.Полицискиот портпарол Кшиштоф Ползин изјави дека станува збор за сериозна несреќа и посочи дека судирот се случил на необезбеден железнички премин во селото Гарбатка.По ударот, камионот се запали, а возот кратко потоа излета од шините.Портпаролот на локалната противпожарна служба Марцин Халаш информираше дека неколку патници се здобиле со полесни повреди, а едно лице било пренесено во болница.На местото на несреќата интервенирале шест екипи на итната помош, 14 противпожарни единици и медицински хеликоптер.

Свет | пред 1 седмица

(Видео) Камион излета и се преврте на обиколницата кај Скопје, две лица со повреди во болница

Товарно возило излетало од патот и се превртело во канал на скопската обиколница, при што се повредени возачот и сопатникот, информираат од Министерството за внатрешни работи.Несреќата била пријавена утринава околу 06:20 часот во СВР Скопје, а се случила на еден километар пред клучка Приштина. Според информациите, станува збор за товарно возило „мерцедес“ со приколка со косовски национални ознаки.По несреќата, повредените биле пренесени со возило на Итната медицинска помош во Ургентниот центар при Комплексот клиники „Мајка Тереза“, каде им е укажана медицинска помош.Надлежните работат на утврдување на причините за сообраќајната незгода.

Македонија | пред 1 месец

(Фото) Камион се преврте на обиколница пред клучката за Косово

Товарно моторно возило се преврте на скопската обиколница пред клучката за Косово, во правец кон граничниот премин Блаце, информираат очевидци од местото на настанот.Според првичните информации, камионот од засега непознати причини ја изгубил контролата и завршил надвор од коловозната лента.Во моментов нема официјални информации дали во несреќата има повредени лица, ниту каква е материјалната штета.

Скопје | пред 3 месеци

Кобна ноќ кај Деве Баир: Камион излета во провалија, возачот загина на лице место

Тешка сообраќајна несреќа со смртен исход се случила рано утринава на магистралниот пат од Граничниот премин Деве Баир кон Крива Паланка, во атарот на селото Узeм.Како што информираат од полицијата, на 21 јануари 2026 година околу 04:50 часот, товарно возило марка „Сканиа“ со косовски регистарски ознаки, управувано од 56-годишниот Н.Х. од Косово, излетало од коловозот и паднало во длабока провалија.Возачот се здобил со тешки телесни повреди и починал на самото место. Смртта ја констатирал лекар од Итната медицинска помош.На местото на несреќата бил извршен увид, а по наредба на јавен обвинител телото на починатиот е предадено на обдукција. Причините за несреќата се утврдуваат.

Македонија | пред 4 месеци