Шеснаесетгодишник од Тетово е приведен под сомнение дека извршил тешка кражба во црквата „Св. Богородица“ во Тетово, информира Министерството за внатрешни работи.
Според полицијата, малолетникот на 13 јули, околу 21:10 часот, одзел пари и други предмети од црквата. Неколку часа подоцна, во 23:30 часот, бил лишен од слобода од полициски службеници на Градскиот плоштад во Тетово.
За случајот е известен јавен обвинител, а со малолетникот е извршен службен разговор во присуство на родител и претставник од Центарот за социјални работи.
По целосното документирање на случајот, против него ќе биде поднесена соодветна пријава.
