17-годишник тешко повреден при пад со електричен тротинет, повреден и 15-годишен сопатник

Седумнаесетгодишник се здобил со тешки телесни повреди, а неговиот 15-годишен сопатник со телесни повреди, откако паднале со електричен тротинет на регионалниот пат меѓу селата Градец и Пирок.

— реклама —

— реклама —

Според информациите од Министерството за внатрешни работи, несреќата се случила на 29 октомври околу 16 часот. Малолетникот од Градец, кој управувал со тротинетот, изгубил контрола и паднал заедно со својот сопатник.

— реклама —

Двајцата биле пренесени во Ургентниот центар во Гостивар, каде што им биле констатирани повредите. Увид на местото на несреќата извршила екипа на ОВР Гостивар.