Од 20 до 40 години се осомничените силувачи на 13-годишното девојче од неготинско - сите се во притвор

На 28 јануари 2026 година, полициски службеници од ОВР Неготино, по наредба од Основното јавно обвинителство Кавадарци, лишија од слобода четири лица од неготинско село – на возраст од 20, 22, 26 и 40 години.

— реклама —

— реклама —

Тие се сомничат дека извршиле кривично дело „силување на дете кое не наполнило 15 години“ врз 13-годишна малолетничка, казниво по член 188 од Кривичниот законик.

— реклама —

Лицата биле задржани во полициска станица, а потоа спроведени пред судија на претходна постапка во Основен суд Кавадарци, кој им одреди мерка притвор во траење од 30 дена. По донесената одлука, осомничените се спроведени во Казнено-поправната установа Затвор Скопје за издржување на мерката.