Оваа година се одбележува 20-годишнината од премиерата на „Хари Потер и каменот на мудроста“, првиот од серијалот филмови за малиот волшебник, базиран на книгите на Џ. К. Роулинг.
По најавата по повод 20 години од излегувањето на првиот филм, „Ејч-би-о гоу“ го објави трејлерот за најмагичното обединување на колективот досега.
На специјалната средба, со наслов „20 години Хари Потер: Враќање во Хогвартс“, се вратија познати лица со кои пораснаа фановите.
Покрај ударната тројка од осумте филма – Даниел Ретклиф, Ема Вотсон и Руперт Гринт – тука се и Том Фелтон, Метју Луис, Хелена Бонам Картер, Роби Колтрејн, Џејсон Ајзакс, Гери Олдмен, Џејмс и Оливер Фелпс, Марк Вилијамс , Бони Рајт, Алфред Енох, Евана Линч, режисерот Крис Кулумбус и други.
Специјалната програма ќе содржи разговори помеѓу членовите на актерскиот тим, детали за нивните искуства на снимањето и детаљни интервјуа.
И покрај тоа што поминаа две децении, светот на волшебниците сè уште е силен со третиот филм „Фантастични ѕверки“, што ќе излезе во 2022 година, можен филм The Cursed Child („Проколнатото дете“) и потенцијална нова серија во подготовка.
Авторката на романите за Хари Потер, Џ. К. Роулинг, предизвика многу фанови да се откажат од својата поддршка за серијалот по нејзините трансфобични твитови во 2020 година. Роулинг нема да биде во специјалото реобединување и ќе се појави само во архивските снимки.
