200.000 луѓе на улиците низ Франција, полицијата приведе 121 лице

Масовни протести се одржаа низ Франција, каде што на улиците излегоа десетици илјади граѓани, а полицијата приведе 121 лице, соопшти француското Министерство за внатрешни работи. Според официјалните податоци, на протестите учествувале околу 106.000 луѓе, додека синдикатите проценуваат дека бројката достигнала 200.000.

— реклама —

Во Париз биле приведени 22 лица, меѓу кои и тројца малолетници. Приведувањата главно биле поради носење оружје од категоријата Д, навреди и прекршување на забрани за присуство на одредени места или учество на протести. Според полицијата, во француската престолнина протестирале околу 24.000 луѓе, додека младинските синдикати проценуваат дека на улиците имало близу 100.000 демонстранти.

— реклама —

Низ Франција биле одржани повеќе од 60 протестни собири. Во Париз истовремено се организирале три одделни протести – против предлог-законот за претпоставка на законита употреба на оружје од припадниците на безбедносните сили, меѓународен марш против насилството врз децата и протест на движењето „Жолти елеци“ поради растот на трошоците за живот.

— реклама —

Напнато било во Париз, Бордо, Нант, Лион и Руан. На Плоштадот на нациите во Париз полицијата употребила солзавец за да ги растера насобраните, што предизвикало знаци на паника меѓу демонстрантите. Во Нант биле употребени водени топови, додека во Бордо дошло до судири при кои дел од демонстрантите фрлале предмети кон полицијата.

— реклама —

Во Тулуз, според проценките на организаторите, протестирале 6.000 луѓе, додека полицијата соопштила дека имало 1.800 учесници. Собирот поминал без инциденти.