ФРАНЦИЈА

Макрон: Русија се соочува со пораз

Францускиот претседател Емануел Макрон ја потврди посветеноста на Франција кон безбедноста на нордиските и балтичките сојузници, оценувајќи дека Русија се соочува со пораз во Украина, но и покрај тоа продолжува да ги провоцира соседните држави.По видеоконференцијата со лидерите на Данска, Естонија, Финска, Исланд, Латвија, Литванија, Норвешка и Шведска, Макрон преку социјалната мрежа Икс порача дека Франција останува цврсто посветена на безбедноста на своите партнери.„Повторно ја потврдив француската солидарност и непоколебливата посветеност на нивната безбедност“, напиша Макрон.Тој оцени дека војната во Украина ги разоткрила ограничувањата на руските територијални и стратешки амбиции.„Русија се соочува со пораз во Украина. Тоа ја покажува залудноста на нејзините територијални и стратешки амбиции. Сепак, таа продолжува да ги провоцира своите соседи во обид да излезе од ќор-сокакот“, истакна францускиот претседател.Макрон нагласи дека Франција ќе остане покрај своите сојузници и потсети на француското воено присуство во Естонија и Романија, како и на придонесот на Париз во НАТО-мисиите за надзор на воздушниот простор над балтичките земји.Тој ја повтори и долгорочната поддршка за Украина, посочувајќи дека политичката, воената и другата помош за Киев ќе продолжи.„Ќе продолжиме да ѝ помагаме на Украина за да може да се спротивстави, да победи и да преговара од позиција на сила, со поддршка од Европејците“, порача Макрон.Франција е меѓу најзначајните европски поддржувачи на Украина од почетокот на руската инвазија во февруари 2022 година, обезбедувајќи воена опрема, финансиска помош и дипломатска поддршка за Киев.„Франција останува на својата обврска. Нашите партнери и сојузници можат да сметаат на нас“, заклучи Макрон.

Свет | пред 3 дена

Се урна хеликоптер на француската жандармерија, има загинати

Хеликоптер на француската Национална жандармерија, кој бил ангажиран во оперативна мисија, се урнал во попладневните часови во регионот Лоара, јавуваат француските медиуми.Според извор близок до истрагата, за весникот „Фигаро“ било посочено дека постојат сомневања оти во несреќата има неколку загинати лица, иако официјалниот број на жртви сè уште не е соопштен.Несреќата, чии околности засега не се познати, се случила во општината Сили-сир-Лоар, која се наоѓа меѓу градовите Жиен и Орлеан во централниот дел на Франција.Надлежните служби започнале истрага за утврдување на причините за падот на леталото.

Свет | пред 5 дена

Франција му забрани на Израел учество на еден од најголемите саеми за оружје во светот

Франција му забрани на Израел учество на овогодишното издание на саемот за вооружување „Еуросатори“, еден од најголемите и најзначајни меѓународни настани во областа на одбранбената индустрија, соопшти израелското Министерство за одбрана.Според израелските власти, одлуката на француската влада предвидува забрана за учество на претставници на израелската држава, неможност за организирање национален павилјон, како и ограничување според кое израелските компании ќе можат да изложуваат само системи за противвоздушна одбрана, додека претставувањето на офанзивно вооружување е забрането.Поради овие ограничувања, израелското Министерство за одбрана нема да учествува на саемот што ќе се одржи од 15 јуни во Вилпент, во близина на Париз.„Еуросатори“ се смета за еден од најважните светски саеми на одбранбената индустрија и традиционално собира водечки производители на воена опрема од Европа, САД и Азија.Одлуката доаѓа во период на зголемени политички тензии меѓу Франција и Израел. Односите меѓу двете земји дополнително се влошија откако Франција минатата година ја призна палестинската држава, додека Израел во март најави прекин на воените набавки од Франција.Француската влада во понеделникот ги осуди и израелските воени операции во Либан и побара итна седница на Советот за безбедност на Обединетите нации.Париз и претходно воведуваше ограничувања за учеството на израелски компании на меѓународни саеми од областа на одбраната, повикувајќи се на безбедносната состојба на Блискиот Исток и актуелните регионални конфликти.Израелското Министерство за одбрана најновата одлука ја оцени како политички мотивирана и ги обвини француските власти за дискриминација на израелската наменска индустрија.

Свет | пред 1 седмица

Над милион жители на Париз се изложени на ризик од големи поплави

Повеќе од еден милион жители на регионот на Париз, односно околу осум проценти од населението, би можеле директно да бидат погодени доколку дојде до големи поплави на реките Сена и Марна, покажуваат резултатите од најновата студија на Институтот за париски регион.Според анализата, речиси 555.000 домови се изложени на ризик од поплавување поради можно излевање на двете реки. Најголемиот дел од загрозените живеалишта се наоѓаат во станбени згради во поширокото подрачје на француската престолнина.Авторот на студијата, урбанистот Лудовик Фетр, предупредува дека големите поплави што се случуваат еднаш во векот се тешко предвидливи, но сепак оставаат доволно време за следење на растот на водостојот и за преземање мерки со кои може да се намали материјалната штета.Тој нагласува дека е особено важно навремено да се идентификуваат и информираат ранливите категории граѓани за да се подигне свеста за опасностите од вакви природни катастрофи.Како пример се посочува големата поплава на Сена од јануари 1910 година, кога нивото на водата се искачило за повеќе од еден метар и голем број населени места останале под вода со недели.Експертите предупредуваат дека климатските промени и зачестените екстремни временски појави дополнително ја зголемуваат потребата од превентивни мерки и подобра подготвеност за можни поплави во иднина.

Свет | пред 1 седмица

Макрон: Франција е подготвена да ги поддржи мировните преговори меѓу САД и Иран

Францускиот претседател Емануел Макрон изјави дека Франција е целосно подготвена да ги поддржи мировните преговори меѓу САД и Иран, по телефонскиот разговор што го имал со американскиот претседател Доналд Трамп.Во објава на социјалната мрежа Икс, Макрон наведе дека со Трамп детално разговарале за состојбата на Блискиот Исток и ги поздравил напорите за постигнување договор меѓу Вашингтон и Техеран.„Ги поздравив решителните напори што ги предводи за што побрзо постигнување договор меѓу САД и Иран. Тоа претставува единствена можност за изградба на нов безбедносен рамковен договор што ќе ги вклучи сите засегнати страни и ќе овозможи долгорочна стабилизација на регионот“, порача Макрон.Францускиот претседател истакна дека Париз е подготвен да преземе и оперативна улога по евентуалното постигнување договор меѓу двете земји.Според него, меѓународната мисија што Франција ја подготвува заедно со Обединетото Кралство и други партнери е подготвена за распоредување веднаш по постигнувањето на договор, со цел да придонесе за безбедноста на поморскиот сообраќај во Ормутскиот теснец.Макрон додаде дека Франција е подготвена да ја стави на располагање својата експертиза и воените капацитети во пошироките разговори, особено во делот што се однесува на нуклеарната програма.Воедно, тој ја поздрави посветеноста на Трамп кон суверенитетот и територијалниот интегритет на Либан, нагласувајќи ја важноста од почитување на прекинот на огнот и поддршката за либанските институции.Во меѓувреме, Франција побара итна седница на Советот за безбедност на Обединетите нации поради ескалацијата на израелската офанзива во Либан. Вонредната седница треба да се одржи во текот на денот.

Свет | пред 1 седмица

(Видео) Француски војници нападнаа танкер што пловел од Русија

Француската морнарица пресретна и изврши контрола на танкер под меѓународни санкции кој пловел од Русија, соопшти францускиот претседател Емануел Макрон.Според неговата објава на социјалната мрежа Икс, станува збор за танкерот „Тагор“, кој бил запрен во Атлантскиот Океан во операција спроведена на отворено море со поддршка на повеќе партнери, меѓу кои и Обединетото Кралство.„Неприфатливо е бродови да ги заобиколуваат меѓународните санкции, да го кршат поморското право и да ја финансираат војната што Русија ја води против Украина повеќе од четири години“, порача Макрон.Француските власти наведуваат дека ова е уште една акција насочена кон таканаречената руска „флота во сенка“ – мрежа на танкери за кои западните земји тврдат дека се користат за транспорт на руска нафта со цел избегнување на меѓународните санкции.Во март годинава, француски суд во отсуство осуди капетан на еден ваков танкер на една година затвор, бидејќи не постапил по наредба за запирање на пловилото.

Свет | пред 1 седмица

Тензии меѓу Париз и Тел Авив: Израелски дипломат со саркастична порака до Макрон

Израелскиот дипломат во Женева, Валид Гадбан, јавно му се потсмеа на францускиот претседател Емануел Макрон, откако Франција побара итна седница на Советот за безбедност на Обединетите нации поради израелските воени операции во Либан.Гадбан на социјалната мрежа Икс сподели објава со фотографија од Макрон и информација за француското барање до ОН, а како одговор објави видео од прославите во Париз по победата на Пари Сен Жермен во Лигата на шампионите. На снимката се гледаат луѓе собрани околу запалено возило.„Во меѓувреме во Париз“, напиша израелскиот дипломат во објавата.Претходно, францускиот министер за надворешни работи Жан-Ноел Баро ги оцени израелските воени операции во Либан како „исклучително загрижувачки“ и соопшти дека Париз побарал итна седница на Советот за безбедност на ОН.„Ништо не може да го оправда продолжувањето на воените операции во Либан и сè подлабоката окупација на либанска територија“, изјави Баро, додавајќи дека израелските потези претставуваат „голема грешка“.Размената на пораки доаѓа во период на зголемени дипломатски тензии меѓу Франција и Израел поради ситуацијата во Либан.

Свет | пред 1 седмица

Француски гигант дели откази: 1.500 луѓе останаа без работа

Францускиот производител на гуми Мишлен соопшти дека ќе започне програма за доброволно заминување на вработени во Франција, која во следните три години би можела да опфати до 1.500 работни места.Од компанијата наведуваат дека одлуката е донесена по падот на продажбата во првиот квартал од 2026 година и во рамките на напорите за намалување на оперативните трошоци.Според планот, околу две третини од намалувањето на работната сила ќе се однесуваат на административните и канцелариските позиции, додека преостанатата третина ќе биде во индустрискиот сектор.Директорот за човечки ресурси на Мишлен за Франција и Јужна Европа, Оливие Фор-Вори, изјави дека ниту една фабрика нема да биде посебно погодена и дека процесот ќе се спроведува исклучиво преку доброволни заминувања.Од компанијата како главни причини ги наведуваат високите трошоци за работна сила, енергија и даноци. Генералниот директор Флоран Менего уште минатата година предупреди дека индустриските активности на групацијата во Франција не се профитабилни.Во првиот квартал од годинава Мишлен забележа пад на приходите од 5,4 проценти, на 6,2 милијарди евра, додека обемот на продажба на гуми е намален за 1,4 проценти на годишно ниво.Компанијата моментално вработува околу 17.000 лица во Франција и располага со 13 производствени погони. Во 2024 година Мишлен веќе укина 1.246 работни места по затворањето на фабриките во Шоле и Ван.

Свет | пред 2 седмици

Европа под топлотен бран: Франција воведува кризен режим

Франција е погодена од најраниот топлотен бран во повеќе од еден век, при што во еден ден биле урнати повеќе од 300 температурни рекорди, а температурите достигнале и до 37 степени Целзиусови.Највисоката температура била измерена во местото Сор-Осгор, каде што биле регистрирани 36,9 степени, со што е изедначен рекордот од 1996 година.Меѓу најекстремните случаи се наведува и Роморантен во департманот Лоар и Шер, каде што се измерени 33,8 степени – највисока мајска температура во последните 105 години мерења.На локацијата Кап де ла Ев бил забележан рекорд од 32,4 степени во 135-годишната историја на мерењата, додека во повеќе градови на југозападот и западот на Франција температурите надминале 35 степени.Францускиот премиер Себастијан Лекорни најави дека во четврток ќе се одржи состанок на меѓуресорски кризен штаб, на кој ќе се разгледува подготвеноста на државните служби за актуелниот топлотен бран.На состанокот ќе учествуваат министрите за внатрешни работи, здравство, правда, екологија, образование и локална самоуправа.Министерката за здравство Стефани Риш предупреди дека за време на екстремни горештини се неопходни претпазливост и одговорно однесување, наведувајќи дека неодамнешните смртни случаи за време на спортски активности претставуваат дополнителен аларм.Таа апелираше граѓаните да се придржуваат до основните мерки за заштита, како што се редовна хидратација и прилагодување на физичките активности на временските услови.

Свет | пред 2 седмици

Пет држави го блокираа планот на НАТО за помош на Украина

Велика Британија и Франција биле меѓу земјите што го блокирале предлогот членките на НАТО да издвојуваат 0,25 проценти од својот БДП за воена помош за Украина, објави „Телеграф“.Генералниот секретар на НАТО, Марк Руте, оваа недела призна дека неговиот план нема да добие поддршка од сите сојузници, но не ги именува државите што се спротивставиле.Според британскиот весник, покрај Лондон и Париз, против предлогот биле и Шпанија, Италија и Канада.Планот требало да биде разгледан пред претстојниот самит на НАТО во Вашингтон, а Руте сакал тој да стане јасен сигнал за засилена поддршка за Киев.Извор од Алијансата изјавил дека најмалку седум членки го поддржале предлогот, но за усвојување на одлуките во НАТО е потребен консензус од сите држави.Според податоците на Институтот Кил, земји како Холандија, Полска и нордиските и балтичките држави веќе издвојуваат најмалку 0,25 проценти од БДП за Украина.Марк Руте изјавил дека помошта за Украина „не е рамномерно распределена“ и дека дел од сојузниците не придонесуваат доволно.Во текстот се наведува и дека Велика Британија се соочила со критики откако делумно ги ублажила санкциите за руска нафта и гас поради состојбата на Блискиот Исток.Американскиот претседател Доналд Трамп, пак, според написот, ја намалил директната американска помош за Украина и се насочил кон продажба на оружје што би го финансирале европските сојузници.

Свет | пред 2 седмици

Во Франција пронајдено мртво 12-годишно момче, приведени двајца малолетници

Дванаесетгодишно момче беше пронајдено мртво во неделата попладне во францускиот град Рен, а поради сомнение за убиство во притвор се задржани 16-годишно момче и малолетна девојка.Француското обвинителство соопшти дека 16-годишникот бил уапсен во понеделникот наутро, додека втората осомничена сама се пријавила во полицијата кратко потоа.Засега не е познато како дошло до трагедијата, ниту каков бил односот меѓу тројцата малолетници.Обвинителството во Рен отвори истрага за убиство на дете помладо од 15 години, а случајот е предаден на одделението за организиран и специјализиран криминал.Полицијата и понатаму трага по докази, а пожарникарски нуркачи ја пребаруваат блиската река Вилен.Според првичните информации, тревогата била подигната откако рибар слушнал детски крик, но не успеал да утврди од каде доаѓа. Набргу потоа други лица го пронашле момчето и повикале итна помош.Спасувачките екипи го затекнале детето во тешка состојба, со пешкир стегнат околу вратот. И покрај обидите за реанимација, лекарите констатирале смрт на местото на настанот.Жителите на мирната населба во Рен се во шок по трагичниот настан.

Свет | пред 2 седмици

Огромен скандал со злоупотреба на деца во француски училишта

Франција е потресена од голем скандал со злоупотреба на деца, откако десетици училишни надзорници во државни градинки и основни училишта се ставени под истрага за насилство, сексуални напади и силувања.Париското обвинителство истражува стотици пријави за физичко и сексуално злоставување на деца на возраст од само три години, пренесува „Гардијан“.Главната париска обвинителка, Лор Бекуо, изјави дека истраги се водат во 84 предучилишни установи, околу 20 основни училишта и десетина дневни центри.Адвокатите кои ги застапуваат семејствата на жртвите наведуваат дека истрагите опфаќаат и случаи на силување деца на возраст од три и четири години.Надзорниците во француските училишта се задолжени за децата за време на паузите, ручекот, спиењето и воннаставните активности, а често со нив поминуваат повеќе време отколку наставниците.„Станува збор за огромен скандал. Француското државно образование е нешто со кое земјата се гордее, но денес не можеме да кажеме дека јавниот систем ја гарантира безбедноста на децата“, изјави адвокатот Флоријан Ластел.Родители од цела Франција пријавувале различни форми на злоупотреба, вклучувајќи викање, туркање, влечење за коса, лишување од храна, присилување на јадење до повраќање, како и сексуално злоставување и силување.Следната недела во Париз почнува судење против училишен надзорник, обвинет за сексуално злоставување на пет деца на возраст од три до пет години во градинка во француската престолнина.Париските власти од јануари до април суспендирале 78 училишни надзорници, од кои 31 се осомничени за сексуална злоупотреба.Новиот градоначалник на Париз, Емануел Грегоар, најави план вреден 20 милиони евра за решавање на, како што рече, „големите пропусти“ во системот.Родителските здруженија предупредуваат дека станува збор за системски проблем на ниво на цела Франција и дека децата во училиштата не се доволно заштитени.

Свет | пред 2 седмици

Макрон првпат му се јави на Лукашенко од почетокот на војната, предупредил за Украина

Францускиот претседател Емануел Макрон телефонски разговарал со белорускиот лидер Александар Лукашенко првпат од почетокот на руската инвазија врз Украина, при што го предупредил да не ја вовлекува Белорусија подлабоко во војната.Според информации на AFP, повикувајќи се на извор близок до Макрон, разговорот се одржал на 24 мај, во време кога растат шпекулациите дека Белорусија би можела директно да се вклучи во конфликтот на страната на Русија.Белоруските државни медиуми претходно објавија дека разговорот бил инициран од француската страна.„Макрон ги нагласил ризиците за Белорусија доколку дозволи да биде вовлечена во рускиот агресорски вој против Украина“, изјавил францускиот извор за AFP.Францускиот претседател воедно го повикал Лукашенко да преземе чекори за подобрување на односите меѓу Белорусија и Европа.Разговорот доаѓа помалку од една недела откако украинскиот претседател Володимир Зеленски предупреди дека Русија можеби подготвува нова офанзива на северот на Украина со помош на Белорусија.Непосредно пред тоа, Минск соопшти дека учествува во заеднички нуклеарни воени вежби со Москва.Во меѓувреме, Русија изврши масовен воздушен напад врз Киев, при што, според извештаите, бил користен и балистичкиот проектил со среден дострел „Орешник“, нов руски систем кој Москва го распореди во Белорусија.Украинската гранична служба засега соопштува дека нема забележано концентрација на белоруски сили долж границата, но предупредува на зголемен руски притисок врз Минск за подиректно вклучување во војната.Последниот разговор меѓу Макрон и Лукашенко пред овој бил на 26 февруари 2022 година, два дена по почетокот на руската инвазија врз Украина.

Свет | пред 2 седмици

Хорор во Франција: Момче пронајдено мртво покрај река, со пешкир врзан околу вратот

Телото на 12-годишно момче било пронајдено вчера на брегот на реката Вилен во францускиот град Рен, а обвинителството отвори истрага поради сомнение за убиство, објавија француските медиуми.Според информациите, околу вратот на детето бил цврсто врзан мокар пешкир.Алармот го кренал рибар кој, според полициски извори, слушнал вознемирувачки детски крици. Кога пристигнале очевидците и итните служби, момчето веќе било без знаци на живот.Полицијата ја примила пријавата околу 16:40 часот, а десет минути подоцна патроли и пожарникари пристигнале на местото. Лекарите можеле само да констатираат смрт.Француското обвинителство соопшти дека е отворена истрага за да се утврдат околностите под кои починало детето.Во текот на вечерта, голем број полицајци и форензичари вршеле увид во близина на станбен комплекс покрај реката. На терен бил поставен и голем бел шатор, додека истражителите собирале траги и фотографирале докази.Според француските медиуми, случајот е предаден на специјализирана единица за организиран криминал.

Свет | пред 2 седмици

(Видео) Француско природно чудо кое остава без здив: Бели карпи, камени сводови и глетки како од разгледница

Во Етрета, мало приморско место во Горна Нормандија во Франција, туристи од целиот свет доаѓаат за да ги видат спектакуларните бели карпи и природни камени сводови, поради кои ова место е едно од најпознатите во земјата.На брегот на Горна Нормандија, таму каде што моќниот Атлантски Океан удира во белите карпи, се наоѓа Етрета – едно од најубавите и најпознатите места во Франција. Ова мало приморско место со децении ги воодушевува туристите со своите спектакуларни карпи, камени сводови и атмосфера што изгледа како да излегла од некој уметнички филм.Иако самото место е познато по тесните улици и куќите стари неколку векови, најголемо внимание сепак привлекуваат природните формации што со векови ги обликувале ветерот и морето. Високите бели карпи и огромните камени сводови станаа симбол на Нормандија и глетка што се наоѓа на разгледници ширум светот.Најпознатиот дел од Етрета секако се монументалните камени сводови што се издигнуваат над морето и оставаат впечаток како да ѝ пркосат на природата. Овие карпи настанувале илјадници години под влијание на брановите и ветерот, а денес претставуваат една од најголемите природни атракции во Франција.Посебно импресивен е погледот за време на зајдисонце, кога белите карпи добиваат златни нијанси, а океанот ја рефлектира светлината на речиси нереален начин. Токму поради таа глетка многу уметници, меѓу кои и познатите импресионисти, доаѓале овде за да пронајдат инспирација за своите дела.Над самите карпи се наоѓа и познатата црква Нотр Дам де ла Гард, која доминира над целиот пејзаж и претставува едно од најубавите места за поглед кон брегот. До неа се стигнува со прошетка по угорнина, но секој чекор вреди поради панорамата што се отвора пред посетителите.Од ова место се гледа речиси целиот брег на Нормандија, моќните камени сводови и бескрајното море што удира во карпите. Туристите често велат дека токму тука првпат сфаќаат зошто Етрета важи за едно од најромантичните места во Франција.Покрај природните убавини, Етрета освојува и со својата автентична атмосфера. Улиците се исполнети со камени куќи, мали ресторани, галерии и цвеќиња што ги красат фасадите на старите градби. Сè изгледа мирно и елегантно, како времето тука да забавило.Многу посетители доаѓаат токму поради тој спој на природа и традиција, бидејќи Етрета успева да го зачува духот на старото нормандиско село и покрај големата популарност меѓу туристите. Прошетката низ ова место дава чувство како да сте зачекориле во некое друго време.

Магазин | пред 2 седмици

Судот ги прогласи Air France и Airbus виновни за несреќата во која загинаа 228 луѓе

Air France и Airbus се прогласени за виновни за убиство од небрежност поради авионската несреќа од 2009 година во која загинаа 228 лица, откако Апелацискиот суд во Париз оцени дека авиокомпанијата и производителот на авионот се „исклучиво и целосно одговорни“ за трагедијата.Станува збор за летот AF447 на релација Рио де Жанеиро – Париз, кој се урна во Атлантскиот Океан откако авионот изгубил потисок за време на бура. Загинаа сите 216 патници и 12 членови на екипажот.Air France и Airbus претходно беа ослободени од одговорност во април 2023 година, но по осумнеделно судење вчера беа прогласени за виновни.На двете компании им е изречена максимална парична казна од по 225.000 евра, иако дел од семејствата на жртвите ја оценија како симболична.Претседателката на здружението на жртвите на летот AF447, Даниел Лами, која во несреќата го загубила својот син, изјави дека правосудниот систем „конечно ја признал болката на семејствата соочени со колективна трагедија со неподнослива бруталност“.Несреќата се случи на 1 јуни 2009 година, кога авионот падна во океанот од височина од 11.580 метри. Тоа останува најсмртоносната авионска несреќа во историјата на француското воздухопловство.Остатоците од авионот беа пронајдени дури по долготрајна потрага на површина од околу 10.000 квадратни километри на дното на Атлантикот, а црната кутија беше пронајдена во 2011 година.Во првите 26 дена од потрагата беа пронајдени 51 тело, а многу од жртвите сè уште биле врзани со сигурносните појаси за седиштата.Меѓу загинатите имало патници од 33 држави, вклучително Французи, Бразилци, Германци, Американци, Британци и Ирци. Во несреќата загина и 45-годишниот хрватски поморец Зоран Марковиќ.Француските истражители во 2012 година заклучија дека до несреќата довела комбинација од технички дефект на сензорите за брзина и погрешна реакција на пилотите при губење на потисокот.Според истрагата, пилотите добиле погрешни податоци за брзината на летот, а во моментите кога авионот почнал да губи потисок, наместо да го спуштат носот на авионот, тие го подигнале.По трагедијата беа направени измени во обуката на пилотите, а сензорите за брзина на ваквиот тип авиони беа заменети.

Свет | пред 3 седмици

Голем пожар избувна во Франција: Огнот зафатил комплекс од три згради

Голем пожар избувна во местото Лож-ан-Жоза, на северот на земјата, соопштија пожарникарите.Според нивните информации, пожарот зафатил површина од 2.800 квадратни метри, пренесува телевизијата BFM TV.Пожарот избувнал околу 19:15 часот во три меѓусебно поврзани објекти, а чадот бил толку густ што можел да се види и од Париз.Пожарникарите од Ивлин за весникот Le Parisien изјавиле дека „комплексот од три меѓусебно поврзани згради, на површина од 2.800 квадратни метри, е целосно зафатен од пламените“.На Фејсбук, соседниот град Бик соопштил дека пожарникарите интензивно работат на гаснење на пожарот и дека дежурниот општински советник излегол на терен.

Свет | пред 3 седмици

(Видео) Французин сам се пријавил во полиција по експлицитен разговор со „14-годишно девојче“ создадено со вештачка интелигенција

Пензиониран професор по физичко образование од Франција заврши во притвор откако на интернет испраќал сексуални пораки до лице за кое верувал дека е 14-годишно девојче. Сепак, „девојчето“ било создадено со помош на вештачка интелигенција и контролирано од инфлуенсер познат по поставување стапици за педофили, објави Би-Би-Си.66-годишниот Доминик Б. сам се пријавил во полиција во источна Франција, еден ден откако неговиот разговор со лажниот профил бил емитуван во живо на интернет.Во речиси 40-минутниот разговор, кој го следеле повеќе од 40.000 луѓе, тој предлагал средба на стадионот „Парк де Пренс“ во Париз, прашувал за интимни фотографии и разговарал на сексуални теми со лицето за кое мислел дека е малолетничка.Кога бил потсетен на возраста на „девојчето“, Доминик Б. одговорил дека и помлади девојчиња веќе имале сексуални искуства.Француското обвинителство го товари за сексуално вознемирување на лице помладо од 15 години и барање порнографски материјал од малолетник.Случајот отвори дебата во Франција за етичноста на ваквите интернет-стапици. Инфлуенсерот FINNYZYY тврди дека сакал да ја подигне јавната свест за сексуалното злоставување на деца, додека дел од правните експерти предупредуваат дека ваквите акции можат да ги попречат официјалните полициски истраги.Засега не е познато дали фактот што обвинетиот комуницирал со возрасен човек, а не со вистинско малолетно лице, ќе влијае врз евентуалната судска постапка.

Свет | пред 4 седмици

Француското обвинителство бара седум години затвор за поранешниот француски претседател Саркози

Француските обвинители денеска побараа седумгодишна затворска казна за поранешниот француски претседател Никола Саркози, во рамки на судскиот процес за наводно незаконско финансирање на неговата претседателска кампања во 2007 година од страна на покојниот либиски лидер Моамер Гадафи.Според обвинителството, Саркози наводно склучил таен договор со Гадафи пред изборите, според кој либискиот режим обезбедил финансиска поддршка за неговата кампања, а за возврат требало да помогне во подобрување на меѓународниот имиџ на Либија.Обвинителите побараа Саркози да биде прогласен за виновен по обвиненијата за корупција, нелегално финансирање на кампања и злоупотреба на либиски јавни средства.Поранешниот француски претседател ги негира обвиненијата и тврди дека процесот е политички мотивиран.

Свет | пред 4 седмици

(Видео) Тројца загинати во пожар во Франција: Истражителите проверуваат врска со нарко-пресметка

Три лица загинаа во пожар што избувнал во станбена зграда во предградие на францускиот град Лион, јавуваат локалните медиуми.Според полициски извори, постои сомнеж дека пожарот бил подметнат.Префектурата на Лион првично соопшти дека загинале две лица, но подоцна била пронајдена и трета жртва. Засега не е објавен нивниот идентитет.Пожарот избувнал околу 7:30 часот во зграда со седум ката, а на терен биле испратени речиси сто пожарникари.Истражителите ја разгледуваат можноста пожарот да е поврзан со пресметка меѓу нарко-дилери.Според извори блиски до истрагата, една од жртвите скокнала низ прозорец од седмиот кат во обид да се спаси.Во населбата Десин-Шарпје, во предградието на Лион, во последните недели биле регистрирани повеќе подметнати пожари и пукања, кои властите ги оцениле како акти на заплашување.Кон крајот на април, жена што се враќала дома со две деца била погодена со залутан куршум во ногата за време на пукање насочено кон пет паркирани автомобили.По тие инциденти, полициското присуство во населбата било засилено, вклучително и со интервентни единици.Истрагата за пожарот е доверена на Одделот за судска полиција за организиран и специјализиран криминал.

Свет | пред 1 месец

Иран ѝ се закани на Британија и Франција поради Ормускиот Теснец

Иранскиот заменик-министер за надворешни работи упати закана поради можноста Велика Британија и Франција да распоредат воени бродови во Ормускиот Теснец.„Секое распоредување и стационирање разурнувачи околу Ормускиот Теснец, под изговор на ‘заштита на поморскиот сообраќај’, не е ништо друго освен ескалација на кризата“, напиша тој на социјалните мрежи.Тој додаде дека присуството на британски и француски воени бродови, кои би можеле да учествуваат во, како што наведе, „нелегални и меѓународно незаконски акции на САД“, ќе наиде на „моментален и одлучен одговор“.Британското Министерство за одбрана вчера соопшти дека на Блискиот Исток го испраќа разурнувачот „ХМС Драгон“ како подготовка за можна мултинационална мисија за заштита на поморскиот сообраќај во Ормускиот Теснец.Велика Британија и Франција во последните денови учествуваат во разговори за повторно воспоставување безбеден премин за трговските бродови низ овој клучен поморски коридор.Според информациите, планот би барал координација со Иран, а подготвеност за учество во мисијата досега изразиле околу десет држави.

Свет | пред 1 месец

Франција воведува мерки за поддршка на авиоиндустријата поради поскапувањето на горивото

Француската влада подготвува финансиска помош за авиокомпаниите погодени од зголемените цени на млазното гориво, потврди министерот за транспорт Филип Табаро.Тој на платформата X соопшти дека владата и авио-превозниците на состанок во средата постигнале напредок околу пакетот мерки за поддршка. Мерките би вклучувале одложување на плаќањето придонеси за социјално осигурување, продолжени рокови за даночни обврски и поголема флексибилност во управувањето со резервите на гориво.Министерот нагласи дека авиопревозниците се под силен притисок и дека владата е решена да им помогне да го пребродат тешкиот период.Овие најави доаѓаат во време кога европските власти бараат решенија за да се спречат поголеми нарушувања во воздушниот сообраќај во текот на летната сезона. Авиокомпаниите во Европа предупредуваат на можен недостиг на млазно гориво поради глобалните енергетски тензии, при што значаен дел од увозот доаѓа од Блискиот Исток.

Свет | пред 1 месец

(Видео) Макрон запеа во Ереван – пијано, тапани и француска шансона

Претседателот на Франција, Емануел Макрон, ја изведе песната „La Bohème“ од Шарл Азнавур за време на државна вечера во Ереван, каде што престојуваше заедно со претседателот и премиерот на Ерменија.Мал музички момент се случи за време на вечерата, кога Макрон го зеде микрофонот и ја отпеа познатата шансона, која ги симболизира блиските врски меѓу Франција и Ерменија, пренесува телевизијата BFM.Во изведбата учествуваа и ерменскиот претседател Вахагн Хачатуријан, кој свиреше пијано, додека премиерот Никол Пашинјан симболично се приклучи свирејќи на тапани во импровизираниот настап.Макрон и претходно јавно ја изведувал „La Bohème“, во Елисејската палата во 2023 година за време на вечера со познати личности од светот на модата и музиката.Францускиот претседател престојува во Ерменија во рамки на Самитот на Европската политичка заедница, а неговата посета вклучува и државен дел од програмата во земјата која има изразени франкофонски врски.За време на посетата, Макрон го истакна „посебниот однос“ меѓу Франција и Ерменија, потсетувајќи на историските врски, вклучувајќи го прифаќањето на ерменските бегалци во Марсеј и помошта по земјотресот во 1988 година.Тој, исто така, ја нагласи долгогодишната поддршка на Франција за Ерменија во конфликтите со Азербејџан по распадот на СССР.Макрон и Пашинјан треба да потпишат стратешко партнерство кое ќе ја зајакне одбранбената и економската соработка меѓу двете земји.

Свет | пред 1 месец

(Видео) Франција под портокалов метео-аларм: се очекуваат обилни врнежи и поплави

Француската метеоролошка служба издаде портокалов метео-аларм за департманите Сарт и Мајен на северозападот на земјата поради обилни врнежи и зголемен ризик од поплави.Предупредувањето останува во сила до 18 часот, а според прогнозите се очекуваат локални врнежи од 50 до 60 милиметри, што одговара на количина дожд што вообичаено паѓа во период од три до четири недели.Причината за нестабилните временски услови е бавното движење на циклонски систем од централна Франција кон северозапад, кој носи интензивни и континуирани врнежи. Иако количествата не се исклучителни за овој период од годината, дополнителен ризик создава сувата почва по изразено сушниот април, што може да доведе до површинско истекување на водата и локални поплави на патиштата.На југот на Франција веќе се регистрирани врнежи до 120 милиметри, а метеоролозите предупредуваат дека системот сè уште е нестабилен и тешко предвидлив, поради што е можно проширување на предупредувањата и кон други региони, меѓу кои Централна Лоара и Ил-де-Франс.Во департманите Гар и Еро, кои претходно беа под портокалов аларм, нивото на предупредување е намалено на жолто, но и таму се бележат значителни количества дожд, со локални рекорди за месечни врнежи.

Свет | пред 1 месец

Пронајдена граната кај фестивал во Франција: 40.000 посетители биле во ризик

Стручни служби за деактивација на експлозивни направи интервенирале по откривање граната во близина на Бурж, каде што од 1 мај се одржува музичкиот фестивал Teknival, на кој досега се собрале десетици илјади посетители.Фестивалот се одржува на простор кој претходно се користел како воен полигон и стрелиште, а според медиумските извештаи, во моментот на инцидентот на локацијата имало илјадници луѓе. Само утрово, според информациите, присутни биле околу 17.000 посетители.Поради откривањето на експлозивната направа, биле повикани специјализирани тимови од француската агенција за одбранбена опрема, кои интервенирале со цел обезбедување на теренот. Надлежните предупредуваат дека на вакви локации постои ризик од неексплодирана муниција, особено ако станува збор за поранешни воени полигони.Организаторите на фестивалот избрале локација во близина на Бурж како дел од протест против државните политики кон ваквите настани, тврдејќи дека просторот што го користат не се совпаѓа со зоните каде што се вршат воени тестирања.Според податоците на локалните власти, од почетокот на фестивалот биле регистрирани десетици интервенции на итната помош, како и бројни прекршоци поврзани со јавниот ред, но без сериозни инциденти. Француските власти најавиле дополнителни контроли и посета на високи државни претставници на локацијата, со цел да се процени безбедноста на настанот.

Свет | пред 1 месец