До 700.000 демонстранти на улиците во Франција, најавени масовни протести и генерален штрајк

Франција денеска се соочува со најавени масовни протести и генерален штрајк, на кои, според проценките на француската Територијална разузнавачка служба (ДНРТ), би можеле да учествуваат меѓу 500.000 и 700.000 демонстранти надвор од парискиот регион.

Според извештајот на службата, денот е оценет како високоризичен, а постои можност протестите да донесат ново ниво на насилство, особено во градските центри, пренесува телевизијата БФМ.

— реклама —

Синдикатот ЦГТ најавил 244 протести низ Франција. Во штрајкот и демонстрациите треба да учествуваат водечките синдикати од јавниот и приватниот сектор, како и студенти и средношколци.

— реклама —

Причина за незадоволството се растечките трошоци за живот, инфлацијата, буџетските мерки и состојбите во јавните служби и образованието.

— реклама —

Поради штрајкот се очекуваат нарушувања во железничкиот и воздушниот сообраќај. Националната железничка компанија СНЦФ најави откажување на околу 10 отсто од брзите возови ТЖВ, додека во париското метро се очекуваат сериозни проблеми.

— реклама —

Прекини во работата најавиле и синдикатите во енергетските компании и рафинериите, што би можело да влијае и врз снабдувањето со гориво.