Контејнери пред училиштата и факултетите: Продолжуваат протестите во Франција, полицијата ги засилува контролите

Протестите во образовниот сектор во Франција продолжуваат и покрај најавените владини отстапки. Утрово група средношколци ја блокираше гимназијата „Елен Буше“ во Париз, поставувајќи контејнери за отпад пред влезот и спречувајќи го пристапот до зградата.

— реклама —

Блокади имаше и на Универзитетот „Париз-Сите“, каде што пред објектот биле поставени контејнери, а на протестот учествувале десетина студенти.

— реклама —

Францускиот министер за национално образование, Едуар Жефре, ги повика демонстрантите да не го попречуваат одржувањето на наставата, нагласувајќи дека враќањето на учениците во училишните клупи е приоритет. Тој предупреди дека блокирањето на образовните установи е незаконско.

Полицијата најави засилено присуство околу училиштата и факултетите поради повеќенеделните протести, кои започнаа во средината на септември.

— реклама —

Минатата недела француските министри за образование најавија пакет мерки за смирување на незадоволството. Меѓу нив се откажување на планираното намалување на бројот на работни места во образованието, отворање 500 нови работни места, ограничување на бројот на ученици во одделенијата и обезбедување дополнителни 15.000 места во високото образование.

— реклама —

Сепак, учениците и студентите продолжуваат со протестите, барајќи поголеми вложувања и подобрување на состојбите во образовниот систем на Франција.